ايام وبتعدى ... ايام وبتفوت ... تعالوا نشوف يوم واحد بس فى حياتنا كلها ..يوم بلا ذنب

من طرف sadaamdoom الخميس ديسمبر 09, 2010 9:19 am

السلام عليكم ورحمة الله وبركاته
بسم الله والحمدلله والصلاة والسلام على رسول الله وعلى آله وصحبه ومن والاه

فكرة الموضوع هبدأها بسؤال وياريت اجابة صادقه من كل واحد فينا بينه وبين نفسه...
امتى اخر يوم تذكره انك جيت فى اخر اليوم ولم تذنب ذنب واحد ؟؟؟؟؟؟؟؟؟

[وحدهم المشرفون لديهم صلاحيات معاينة هذه الصورة]

السؤال ده بجد جميل لأسباب كتير منها :-

1- ان الواحد فينا لو مش لاقى يوم فى حياته كده يبقى يتكسف من ربنا اولا ثم من نفسه .

2- ان الواحد ممكن يفرح بيوم زي ده ... طيب ليه ميفكرش فى انه يعمل يوم بالشكل ده ويبقى اجمل يوم فى حياته ..

3- لو حصلت مع حد طيب ليه متكررش اليوم ده وتبقى اجمل ايامك مش يوم واحد لأ ايام كتير .

الفكره بقى ان رمضان بتسلسل فيه الشياطين وربنا بيعيننا على الطاعه وكل انسان فينا بيكون جواه همه كبيره على الاقل فى اول رمضان واحنا فى اول رمضان اهو

طيب نعمل ايه هننوى اننا ايام رمضان تكون ايام من غير ذنوب خالص ...

ههههههههه صعب طبعا
ههههههههه عارف ياعم الحاج بس نحاول مش هنخسر حاجه

مش انت ناوى تختم اللقرآن وناوى تصلى القيام لحد اخر رمضان وناوى على قيام ليلة القدر وشلال الحسنات والكلام الجميل ده ...

طيب ياعم مهو كثرة الطاعات بتبعدك عن الذنوب والسيئات ....
هقولك يعنى ايه ... تخيل انت عمال تقرا قرآن وبتصلى وصايم وبعد الفطار روحت حجزت مكان فى الجامع علشان تصلى العشاء وبعدها القيام ورجعت شوف ريحت شويه ولا عملت اي حاجه مفيده وبالليل شويه روحت مصلى ركعتين بس كده قيام ليل ودخلت نمت ...
تتخيل كده انت هتشيل ذنوب ولا هتعمل معصيه طول ما انت حريص على عمل الطاعات ؟
اعتقد صعب اوى يبقى سهل جدا نوصل ليوم بلا ذنب

ازاي او فكرتك ايه يا عمنا

اقولك يا معلم

اليوم طبيعى يبدا من الفجر لحد الفجر تانى يوم على اساس يوم 24 ساعه يعنى

طيب لو بدأناها من الفجر يبقى احنا اصلا بنصحى فى السحور وبعد السحور بننزل نصلى الفجر

طيب اول حاجه هنقوم للسحور بنية انننا نطيع رسول الله صلى الله عليه وسلم " تسحروا فان فى السحور بركة "
وكده بدأناها بثواب طاعة رسول الله
يعنى بناكل وناخد ثواب .

بعد السحور ممكن نستغفر الله شويه ونتوضى وننزل للجامع علشان صلاة الفجر
طبعا لو اتوضيت ونزلت للجامع كل خطواتك خطوه بحسنه وخطوة تحط عنك خطيئه ... يعنى مكفرات ذنوب ... بعد ما كان يوم بلا ذنب اصبح يوم بلا ذنب ويكفر ذنوب ايام ماضيه كمان ..

كمان فى حديث ... " بشر المشائين فى الظلم بالنور التام يوم القيامه "

يعنى مشيك لصلاة الفجر فى الضلمه هيكون نور لك يوم القيامه ومش اي نور ده نور تام يعنى هتمشى مشع

هنرجع من الفجر مثلا ممكن ننام شويه ونصحى نشوف شغلنا على اكمل وجه او اللى عنده دراسه او اي حاجه يعملها كويس يعنى
" ان الله يحب اذا عمل احدكم عملا ان يتقنه "

ونرجع مثلا لو فى واحده هتطبخ وتاخد ثواب افطار صائم وتبقى اخدت ثواب البيت كله ...
او واحد هيرجع يقرا قرآن مثلا
ونحافظ على الصلاة فى اوقاتها مع ذكر الله هنلاقى اليوم لحد المغرب عدى زي الفل ومن غير ذنوب ان شاء الله وبعد الفطار نتخلى شويه عن التليفزيون مش لازم يعنى المسلسلات اللى بيتففنو فيها النساء فى اللبس العريان وقلة الادب ... حسبى الله ونعم الوكيل

ونشوف بقى صلاة التراويح ونرجع مثلا لو هنشوف اصحابنا ونتكلم فى الخير وبلاش غيبه ونميمه وتقطيع فى فروة الناس
ونرجع ننام ونصحى على السحور

هنلاقى اليوم كله اصبح يوم بلا ذنب وهيكون سهل اوى لما تسأل نفسك
انت فاكر ان يوم عدى عليك من غير ذنب هتقول اه يمكن يكون رمضان كله

ارجو مكنش طولت عليكو واستخدام اللغه العاميه بحبه فى بعض الاحيان خصوصا لما يكون فيه لغة حوار ما بين اتنين او اكتر ..

كل عام وانتم بخير
وياريت نسأل نفسنا كل يوم اذا كان اليوم ده بذنب ولا بلا ذنب..
وياريت نعملها مثلا حملة لمقاطعة الذنوب فى رمضان على الاقل
وننشر الموضوع فى منتديات تانيه وايميلات وناخد ثواب

من طرف آلكسادي الجمعة ديسمبر 10, 2010 11:13 pm

جزاك الله خيرا شكراااااا على الافادة

من طرف midaghorsse الأحد فبراير 06, 2011 8:18 pm

جزاك الله كل خير أخي الفاضل

ايام وبتعدى ... ايام وبتفوت ... تعالوا نشوف يوم واحد بس فى حياتنا كلها ..يوم بلا ذنب

ايام وبتعدى ... ايام وبتفوت ... تعالوا نشوف يوم واحد بس فى حياتنا كلها ..يوم بلا ذنب

رد: ايام وبتعدى ... ايام وبتفوت ... تعالوا نشوف يوم واحد بس فى حياتنا كلها ..يوم بلا ذنب

رد: ايام وبتعدى ... ايام وبتفوت ... تعالوا نشوف يوم واحد بس فى حياتنا كلها ..يوم بلا ذنب