ودي اموت اليوم واعيش باكر....حامد زيد

حامـــد زيد .. (( ودي أمــووووت اليــوم وأعيـــش بـــآكر ))..




ودي اموت اليوم وأعيـــش باكر........وشوف من هو بعد موتي فقدني
ومنهو حملني لين ذيك المقابر...........واشكر انا كل من كرمني ودفني
وشوف يرثيني انا كم شاعر............ومنهو تركني وما كتب شي عني
شخص تعنالي مع انه مسافر...........وشخص قريب وانا ميت طعني
وشخص يمثل دمعته ما هو قادر......وشخص تطيح دمعتة لا من ذكرني
ومن هو من اهلي في العزا كان حاضر..ومن هو دعاليي في صلاتة ورحمني
ومن هو بنى بأسمي سبيل ومنابر.........ومن هو يفز قلبه لا من لمحني
ومن هو عشاني طول الايام ساهر......ومن هو ثلاث ايام راح وتركني
ومن هو يرتب غرفتي والدفاتر.......وان شاف لي صوره مات وحضني
يالله عسى ما تخفى كل المشاعر........ويالله عسى ما ينصدم يوم طني
خايف يروح العمر واكون خاسر..........وان طار طيري ما يفيد التمني
وخايف يجيني يوم وأكسر خواطر.........إن دارت الدنيا وزماني كسرني
ومادام هذي الدنيا سارت مظاهر.........وكل من على كيفة وجوه يغني
صحيح مسلم بس الهم كافر..........كل ما بغيت اضحك يهددني حزني
الضيق وافي والحزن حيل وافر.........والجرح اكثر شي شفتةيحبني
عايش وميت بين ماضي وحاضر.........والصبر مفتاح الفرج ضاع مني
قلي وش تبي وتتركني يا حزن امر.....مسكين فرحي تصدق انه وحشني
شاعر .... ولا كني ماني بشاعر.....ودي امــوووت اليـــوم وارتاح مني